Saturday 26 July 2014

ನಿನ್ನ ಬಳಿ ಬಂದೂಕಿದೆ ನನ್ನಲ್ಲಿ ಹಸಿವೆ





ನಿನ್ನ ಬಳಿ ಬಂದೂಕಿದೆ
ನನ್ನಲ್ಲಿ ಹಸಿವೆ

ನಿನ್ನ ಬಂದೂಕು
ನಾ ಹಸಿದಿರುವೆನೆಂದೇ
ನಿನ್ನ ಬಳಿಯಿದೆ

ನಿನ್ನ ಬಳಿ ಬಂದೂಕಿದೆ
ಎಂದೇ ನಾನು ಹಸಿದಿದ್ದೇನೆ

ನೀನು ಇಟ್ಟುಕೊಳ್ಳಬಹುದು
ಒಂದು ಬಂದೂಕು
ಒಂದು ಸಾವಿರ ಬುಲೆಟುಗಳು,
ಮೇಲೆ ಇನ್ನೂ ಒಂದು ಸಾವಿರ
ಸುರಿಯಬಹುದು ಅವನೆಲ್ಲ, ವೃಥಾ ನನ್ನ ಬಡಕಲು ದೇಹದ ಮೇಲೆ
ಒಮ್ಮೆ, ಎರಡು ಸಲ, ಮೂರುಸಲ
ಸಾವಿರ ಸಲ, ಏಳು ಸಾವಿರ ಸಲ ನನ್ನ ಕೊಲ್ಲಬಹುದು
ಆದರೆ ನೆನಪಿರಲಿ,
ಕಾಲದ ದೀರ್ಘ ಓಟದಲ್ಲಿ
ನಾನು ನಿನಗಿಂತ ಶಸ್ತ್ರಸಜ್ಜಿತ.

ನಿನ್ನ ಬಳಿ ಬಂದೂಕಿರಬಹುದು
ಆದರೆ ನನ್ನಲ್ಲಿ
ಬರೀ ಹಸಿವೆ..

-ಒಟೊ ರೆನೆ ಕ್ಯಾಸ್ಟಿಲೊ

(ಒಟೋ ರೇನೆ ಕ್ಯಾಸ್ಟಿಲೊ (೧೯೩೪-೧೯೬೭) ಗ್ವಾಟೆಮಾಲಾದ ಕವಿ ಮತ್ತು ಕ್ರಾಂತಿಕಾರಿ. ೧೯೫೪ರಲ್ಲಿ ಗ್ವಾಟೆಮಾಲಾದಲ್ಲಿ ಅಮೆರಿಕದ ಪರವಾಗಿ ಕ್ಷಿಪ್ರಕ್ರಾಂತಿ ನಡೆದಾಗ ಒಟ್ಟೋ ರೆನೆ ಕ್ಯಾಸ್ಟಿಲೋ ತಪ್ಪಿಸಿಕೊಂಡು ಎಲ್ ಸಾಲ್ವಡಾರ್‌ಗೆ ಹೋದ. ೧೯೬೬ರಲ್ಲಿ ಗ್ವಾಟೆಮಾಲಾಗೆ ವಾಪಸಾಗಿ ‘ರೆಬೆಲ್ ಆರ್ಮಡ್ ಫೋರ್ಸ್’ ನೊಂದಿಗೆ ಗೆರಿಲ್ಲಾ ಯುದ್ಧ ಸೇರಿದ. ೧೯೬೭ರಲ್ಲಿ ಆತನನ್ನು ಸೆರೆಹಿಡಿಯಲಾಯಿತು. ನಾಲ್ಕು ದಿನಗಳ ನಂತರದ ಹಿಂಸೆಯ ಬಳಿಕ ಆತನನ್ನು ಜೀವಂತ ಸುಡಲಾಯಿತು.)

No comments:

Post a Comment