ಎಮಿಲಿ ಡಿಕಿನ್ಸನ್ ಕವಿತೆ ಅನುವಾದ

ಭರವಸೆಗೆ ರೆಕ್ಕೆಗಳಿವೆ
ಆ ಹಕ್ಕಿ ಆತ್ಮದಲಿಳಿದು ತಂಗುತ್ತದೆ
ಹಾಡುವುದು, ಪದಗಳೇ ಇರದ ಹಾಡು
ಎಂದೆಂದೂ ನಿಲುಗಡೆಯಾಗದ ಹಾಡು..

ಅತಿಮಧುರ ದನಿ ಕೇಳಿಸುವುದು, ಬಿರುಗಾಳಿ
ಭಯಾನಕವಾಗಿ ಬೀಸುವಾಗಲೂ.
ಎಷ್ಟೆಷ್ಟೋ ಜೀವಗಳ ಬೆಚ್ಚಗಿಟ್ಟ
ಪುಟ್ಟ ಹಕ್ಕಿಯ ಗಾಳಿ ದಿಗಿಲುಗೊಳಿಸಬಹುದು

ಕೇಳಿರುವೆ ಆ ದನಿಯ, ಯಮಚಳಿಯ ತಾವುಗಳಲಿ
ತೇಲುತ್ತ ಅಪರಿಚಿತ ಕಡಲುಗಳಲಿ
ಆದರೂ, ಎಂದೂ, ಯಾವ ಸಂಕಟದ ಚಣದಲೂ
ಬಯಸಲಿಲ್ಲ ಅದು, ನನ್ನಿಂದ ರೊಟ್ಟಿಯ ಒಂದು ತುಣುಕನ್ನೂ.

- ಎಮಿಲಿ ಡಿಕಿನ್ಸನ್ (೧೮೩೦-೧೮೮೬)